കുപ്പിക്കകത്തെ വസ്തുവിനെ പോലെ ഞാൻ നിങ്ങളുടെ ഹൃദയം കാണും
കുപ്പിക്കകത്തുള്ള വസ്തുവിനെ
പോലെ കാണ്മാന്‍ ഞാന്‍ നിങ്ങളെ ഖല്‍ബകം എന്നോവര
••••••┈┈┈┈•✿❁✿•┈┈┈┈••••••
ولد الشيخ محي الدين الجيلاني = عشق ) 470 ( بلغ سنه = كمال ( 91) توفي سنة = عشق كمال ( 470+91=561 ) ربيع الآخر (10
അബൂബക്കരിനില്‍ ഇമാദ് (റ) എന്നവര്‍ പറയുന്നു: "എനിക്ക് വിശ്വാസപരമായ കാര്യത്തില്‍ ചെറിയ സംശയം വന്നു. ആ സംശയത്തോട് കൂടെയായിരുന്നു ഞാന്‍ മുഹിയുദ്ധീന്‍ ശൈഖിന്റെ (റ) മജ്‌ലിസിലേക്ക് കടന്നു വന്നത്. ശൈഖവര്‍കള്‍ ഹൃദയത്തിലുള്ള കാര്യങ്ങള്‍ പറയുമെന്ന് ഞാന്‍ കേള്‍ക്കാറുണ്ട്. ഞാന്‍ അവിടേക്ക് ചെന്നപ്പോള്‍ ശൈഖവര്‍കള്‍ പ്രസംഗിച്ചു കൊണ്ടിരിക്കുകയാണ്. അന്നേരം മഹാനവര്‍കള്‍ പറയുന്നു: "നമ്മുടെ വിശ്വാസം സ്വഹാബത്തിന്റെയും സ്വാലിഹീങ്ങളായ മുന്‍ഗാമികളുടെയും വിശ്വാസമാണ്." ഞാന്‍ മനസ്സില്‍ കരുതി ഇത് ഒത്ത് വന്നതായിരിക്കും എന്നെ കുറിച്ച് പറയുന്നതല്ലായിരിക്കുമെന്ന്. അങ്ങനെ വീണ്ടും മഹാനവര്‍കള്‍ ഞാനിരുന്ന ഭാഗത്തേക്ക് നോക്കി അതേ വാചകം ആവര്‍ത്തിച്ചു. അപ്പോള്‍ ഞാന്‍ കരുതി, പ്രാസംഗികർ അങ്ങോട്ടും ഇങ്ങോട്ടും തിരിയാറില്ലേ.. ആ നിലക്ക് എന്റെ ഭാഗത്തേക്ക് നോക്കി പറഞ്ഞതായിരിക്കും എന്ന്. മൂന്നാം പ്രാവശ്യം എന്നിലേക്ക് തിരിഞ്ഞ് ശൈഖവര്‍കള്‍ പറഞ്ഞു: "ഓ, അബൂബക്കറേ നമ്മുടെ വിശ്വാസം സ്വഹാബത്തിന്റെയും സ്വാലിഹീങ്ങളായ മുന്‍ഗാമികളുടെയും വിശ്വാസമാണ്." ശേഷം മഹാനവര്‍കള്‍ പറഞ്ഞു: "എഴുന്നേല്‍ക്കൂ.., നാടുവിട്ടുപോയ നിന്റെ ബാപ്പ തിരിച്ചു വന്നിട്ടുണ്ട്." ഞാന്‍ പെട്ടെന്ന് എഴുന്നേറ്റ് വീട്ടില്‍ പോയി നോക്കിയപ്പോള്‍ എന്റെ ബാപ്പ തിരിച്ചെത്തിയിട്ടുണ്ടായിരുന്നു.(سير أعلام النبلاء / الحافظ الذهبي ) അല്ലാഹു ﷻ നമ്മുടെ വിശ്വാസങ്ങളെ നന്നാക്കി തന്ന് മരണം വരെ കൂടെ കൊണ്ടു നടക്കാനുള്ള തൗഫീഖ് ചെയ്യട്ടെ..,ആമീന്‍ യാ റബ്ബൽ ആലമീൻ
Post a Comment