മഹ്ദി ഇമാമിനെ തിരിച്ചറിയാനുള്ള അടയാളങ്ങൾ ഇതാണ്

 

മഹ്ദി ഇമാം രംഗപ്രവേശം ചെയ്താൽ മഹാനെ തിരിച്ചറിയാനുള്ള നിരവധി അടയാളങ്ങളും ലക്ഷണങ്ങളും നബി(ﷺ) തങ്ങൾ പഠിപ്പിച്ചുതന്നിട്ടുണ്ട്

സ്വഭാവത്തിൽ നബി(ﷺ) തങ്ങളോട് സാദൃശ്യമുണ്ടാവും എങ്കിലും രൂപത്തിലോ മുഖച്ഛായയിലോ നബി(ﷺ)യോട് സാദൃശ്യമുണ്ടാകില്ലെന്നാണ് ഇമാം അബൂദാവൂദ്(റ) ഉദ്ധരിക്കുന്ന ഹദീസിൽ കാണുന്നത് .

നബി(ﷺ) തങ്ങളോളം വരില്ലെങ്കിലും സുന്ദരനായ ഒരു ചെറുപ്പക്കാരനായിട്ടായിരിക്കും ഇമാം മഹ്ദി പ്രത്യക്ഷപ്പെടുക . ശാന്തതയും ഗാംഭീര്യവും ആ മുഖത്ത് നിന്ന് പ്രസരിക്കും .

ഹാരിസുബിന് മുഗീറ(റ) പറയുന്നു : ഞാൻ അബൂ അബ്ദില്ലാഹ് ഹുസൈൻ(റ)വിനോട് ചോദിച്ചു :-

"മഹ്ദി ഇമാമിനെ തിരിച്ചറിയുന്നതെങ്ങനെയാണ്...?"

"ശാന്തതയും ഗാംഭീര്യവും കൊണ്ട് !"

"മറ്റെന്തെങ്കിലും അടയാളങ്ങളുണ്ടോ...?"

"ഉണ്ട് ! ദീനിന്റെ വിധിവിലക്കുകൾ കൃത്യമായി അറിയുന്ന നല്ലൊരു പണ്ഡിതനായിരിക്കും ഇമാം മഹ്ദി (റ) . ജനങ്ങളെല്ലാം അദ്ദേഹത്തെ ആശ്രയിക്കും .എന്നാൽ അദ്ദേഹമാകട്ടെ , ആരെയും ആശ്രയിക്കില്ല."

മഹ്ദി ഇമാമിന്റെ വിശേഷങ്ങളെക്കുറിച്ച് ചോദിച്ചപ്പോൾ അലി(റ) പറഞ്ഞതിങ്ങനെയാണ്.

"ഒത്ത ഉയരമുള്ള സുന്ദരനായൊരു ചെറുപ്പക്കാരൻ , തലമുടി ചുമൽ വരെ എത്തിയിട്ടുണ്ടാവും . മുഖത്ത് നിന്ന് വഴിഞ്ഞൊഴുകുന്ന പ്രകാശം താടിരോമങ്ങളുടെയും തലമുടിയുടെയും കടുത്തകറുപ്പിനെ അതിജയിക്കും"

ചെറുപ്പക്കാരനായ മഹ്ദി ഇമാം നിയുക്തനായാൽ അദ്ദേഹത്തെ അംഗീകരിക്കാൻ ജനങ്ങളിൽ ചിലർ ആദ്യമാദ്യം വൈമനസ്യം കാണിക്കുന്നതാണ് . കാരണം ജനങ്ങൾ വിചാരിക്കുന്നത് മഹ്ദി ഇമാംഒരുവയോവൃദ്ധനെന്നായിരക്കും .

അബൂ അബ്ദില്ലാഹ് ഹുസൈൻ (റ) പറയുന്നു : മഹ്ദി ഇമാം പ്രത്യക്ഷപ്പെടുന്ന ആദ്യഘട്ടത്തിൽ ജനങ്ങൾ അദ്ദേഹത്തെ അംഗീകരിക്കാൻ വിമുഖത കാണിക്കും .
കാരണം സൗഭാഗ്യവാനും സുന്ദരവുമായ ഒരു ചെറുപ്പക്കാരനായിട്ടായിരിക്കും ഇമാം മഹ്ദി രംഗത്തുവരിക .അവരെ സംബന്ധിച്ചിടത്തോളം വലിയൊരു വിപത്തായിരിക്കുമത് . കാരണം അവർ ധരിച്ചുവശായത് ഇമാം മഹ്ദി ഒരുവയോവൃദ്ധനാണെന്നായിരിക്കും .

തിളങ്ങുന്നനക്ഷത്രംപോലെയായിരിക്കും ഇമാം മഹ്ദിയുടെ മുഖം . നബി(സ്വ) തങ്ങൾ പറയുന്നു : എന്റെ സന്താന പരമ്പരയിലാണ് മഹ്ദി ഇമാം വരിക . അദ്ദേഹത്തിന്റെ മുഖം പ്രകാശിക്കുന്ന നക്ഷത്രം പോലെയായിരിക്കും . (അബൂനുഐം) .

വിശാലമായ നെറ്റിത്തടം , ഉയർന്ന മൂക്ക് , അറബികളുടേത് പോലെ വർണം , ഇസ്റാഈല്യരുടേത് പോലുള്ള ശരീരപ്രകൃതി . മുൻപല്ലുകൾക്കിടയിൽ അൽപം വിടവ് ,ആ വിടവിനിടയിലൂടെ പ്രകാശം പൊഴിയുന്നതായി തോന്നും . വില്ല് പോലെ വളഞ്ഞ നീണ്ട പുരികങ്ങൾ , പുരികങ്ങൾക്കിടയിൽ അൽപം അകലം ,അഥവാകൂട്ടു പുരികമല്ല .വിശാലമായ കണ്ണുകൾ , ഇടതൂർന്ന് നിൽക്കുന്ന കറുപ്പുള്ള താടി രോമങ്ങൾ. ഇരു കണ്ണുകളിലും സുറുമയിട്ടിരിക്കും.ഇതൊക്കെയാണ് മഹ്ദി ഇമാമിന്റെ ശരീര പ്രക്യതിയെന്ന് ഹദീസുകൾ സൂചിപ്പിക്കുന്നു. വിജ്ഞാനത്തിന്റെ കവാടമെന്ന് നബി(ﷺ) തങ്ങൾ വിശേഷിപ്പിച്ച അലി (റ)പറയുന്നത് നോക്കൂ..... !!!!